写在2011年初

平平淡淡甜甜蜜蜜咁同老婆仔一齐跨过10、11年嘅门槛，好多人都会寄望新嘅一年会有新嘅开始。而我期待佐好耐嘅元旦假期，却比人地无情咁剥夺佐两日。一号放假，二号三号就要翻单位做野。元旦假期冇同老婆仔去玩过，都系怪可恶嘅加班。元旦聚会唔知系咪一件好事，D人真系多得吓人。好彩我够醒目先逼倒车上佛山。同人逼人唔同境况嘅系，我地班出席嘅人并唔多，一半都唔多够。不过都已经满足喇，对于我地班嘅群体性活动，咁样已经唔错喇。一个完全冇计划嘅聚会，冧到咩就去做咩。所以我地其中嘅七八个人傻到六点几唱完K跟住上广州食饭行街。结果比D人山人海嘅情景吓怕喇，冇行几耐就搭地铁翻来。当晚同衡哥仔孖铺，一晚未点郁过，结果第二日腰颈酸痛。

二三号，天气冻佐好多，不过都系要早起去上班。哩种心情真系唔好受，尤其上班系对住一D烦人嘅事。哩件事折腾佐我地办公室两个几星期，真系冇心情冇耐心对住距落去。年尾嘅考核就快到喇，因为哩件事我地嘅准备工作都冇点做过，估计今年比人扣分扣惨喇。好多好多烦心嘅事，令到我真系想快D去清远喇。我知道咁嘅冧法好唔负责任，点样都要对自己嘅工作对单位有个交代的。更何况，我舍唔得我可爱嘅老婆仔，舍唔得哩度嘅一切。

今晚，老婆仔唔知咩事又扭计喇。不过我知道等老婆仔静落来之后就冇野噶喇。我攰到都冇斗嘴嘅力喇，今晚翻来嘅时候竟然系公车度训着佐，连车到站都唔知。几日冇点好训过喇，真系觉得好攰……

早睡早起身体好，都系早D休息吧。以一个更好嘅姿态迎接农历新年嘅到来……